Novinar „Vijesti“ Borko Ždero stradao u požaru

Dugogodišnji novinar „Vijesti“, Borko Ždero (43), stradao je večeras u požaru u Martinićima.

Iz Uprave policije su kazali da je požar buknuo u 18.05 sati, prenosi portal Vijesti.

Ždero je više od dvije decenije proveo u „Vijestima“, gdje je ostavio dubok trag. Radio je u gradskoj hronici i rubrici društvo.

Njegov novinarski opus obilovao je prepoznatljivim reportažama i izvještajima iz brojnih vanrednih situacija, a dugo godina je radio i kao mentor mladim novinarima – početnicima.